Дундговийн  нэг брэнд нь хонины  таана амтагдсан амтат мах юм.  Тэгвэл  тус аймгийн Сайнцагаан сумын иргэн  Гансугирын Мандах гэж залуугийн байгуулсан  "Хур арвай" гэж компани  орчин үеийн стандарт, эрүүл ахуйн шаардлагад нийцүүлэн  иж бүрдлээр нь ангилж савлан зах зээлд захиалгаар нийлүүлж эхэлжээ. Малчдын гар дээрээс   хонийг гарал үүслийн гэрчилгээтэй авч уламжлалт аргаар  төхөөрөн  махыг  ангилж вакуумдан пакетласны зэрэгцээ гэдэс дотрыг цэвэрлэж, Толгой, өвчүү, сүүлийг хуйхлан иж бүрдлээр нь хайрцаглан  захиалгын дагуу хүргэн борлуулж байгаа юм.